احكيلى من قلبك يمكن اقدر اساعدك

--------------------------------------------------------------------------------

عزيزى الزائر ربما يكون القدر قد دفعك لزيارة منتدانا البسيط ولكن لم يدفعك لدخوله والخروج منه مسرعا بل القى نظرفه وهنا فى منتدى فضفضه ممكن تلاقى اللى يساعدك لو عانيت من اى مشكله ممكن تكون فيه حاجه مضايقاك ممكن يكون فيه ظروف انت عايش فيها ومش حاببها ومش لاقى حد تفضفض معاه فيها تقدر تدخل وتكلمنى انا احمد المصراوى مستعد اسمعك ومستعد ارد عليك بس حاول تتكلم وتفتحلى قلبك اعتبرنى صديق ليك يمكن تكون فى مشاكل انت واجهتها ومش قادر على حلها حاول تقولهالى انا مستعد احلهالك اذا ربنا اراد ويمكن ما اقدرش احلها ودى حاجه بتاعة ربنا انا ما اقدرش اقول انه انا اقدر احل كل المشاكل بس فضفضلى وقولى على اللى جواك يمكن اساعدك ولو ما قدرتش اساعدك يبقى انت عملت اللى عليك وطلعت اللى جواك وتكون فكيت عن نفسك وخرجت من الحاله النفسيه اللى انت فيها لانك بدات على الطريق الصح انك تحكى وتفضفض ودى مجرد بدايه ................................ ....................ودى مجرد بدايه واتمنى ما اكونش ازعجتكم بكلامى



طبعا اصعب حاجه فى الدنيا انك تحس بظلم وقهر وانت ياعينى وحيد فى الدنيل ملكش حد ملكش ضهر


فعلا صدق تامر حسنى(نجم الجيل)



انا الوقتى اتظلمت فى امتحانات الثانويه العاميه ااقصد العامه جبت فى سنه تانيه ثانوى 95 فى الميه ودخلت علم رياضه وجبت عشان ادخل كلية هندسه حلم عمرى فذاكرت فى سنه ثالثه اكتر من سنه تانيه وتعبت بجد وايجت الامتحانات . كانت صعبه بس الحمد لله حليت كويس قوى اجى ابص الاقى درجتى فى سنه ثالثه 82 يعنى مجموع السنيتن 89 يعنى ضاع الامل وخلاص

فمكنتش مصدق ان دى دراجاتى فرحت اكشف على الورق فقمت بدفع المصاريف المطلوبه للكشف عن الورق وهى الاقتصاد والاحصاء ورياضيات2 والفيزياء لقيت ليا 14.5 درجه قولتيلهم انا عاوز الدراجات دى قالولى لأ وامشى ياحبيبى روح

قوليلى فين العدل ده بقى

على العلم ان الامتحانات كانت متسربه فى مصر كلها مش فى المنيا بس


وانا الوقتى غير مقتنع بالمقوله من جد وجد

انا مقتنع بالمقوله دى ذاكر تنجح غش تجيب مجموع ولا انت مش معايا ياعم المشرف